Munisipaliteit sal salarisse betaal sodra 'equitable share' ontvang is / Municipality will pay salaries once 'equitable share' has been received

Die Mafube Besigheidsforum (MBF) is teleurgsteld oor die voortdurende swak finansiële bestuur by die Mafube Plaaslike Munisipaliteit, wat daartoe gelei het dat die munisipaliteit spesiale voorwaardes met die Nasionale Tesourie moes aangaan voordat hul 'equitable share' weer uitbetaal kon word.

Volgens inligting wat aan personeel gegee is in ‘n interne brief, moes die munisipaliteit R6 miljoen aan agterstallige pensioenfondsbydraes betaal om aan die Tesourie se voorwaardes te voldoen. Die munisipaliteit beweer in die kommunikasie dat hierdie betaling intussen gemaak is.

In dieselfde kommunikasie aan personeel is belowe dat salarisse weer uitbetaal sal word sodra die fondse van die Tesourie ontvang is. Daar is volgens hulle egter tans geen duidelikheid of vaste tydlyn oor wanneer hierdie geld beskikbaar sal wees nie.

MBF beklemtoon graag dat finansiële deursigtigheid, aanspreeklikheid en bekwame bestuur nie onderhandelbaar is nie, en doen ‘n beroep op die nuwe waarnemende munisipale bestuurder, me Selapyane, om daadwerklik op te tree en die vertroue van die gemeenskap en besigheidsektor te herwin.

“Ons is bereid om met die nuwe bestuur saam te werk, maar dit moet gepaard gaan met gereelde verslagdoening, openlike kommunikasie en sigbare pogings om finansiële dissipline te herstel,” sê Jannie Schabort, voorsitter van MBF.

---

[Eng] The Mafube Business Forum (MBF) is disappointed by the ongoing poor financial management at the Mafube Local Municipality, which has led to the municipality having to enter into special conditions with the National Treasury before their equitable share could be paid out again.

According to information given to staff in an internal letter, the municipality had to pay R6 million in arrears in pension fund contributions to meet the Treasury’s conditions. The municipality claims in the communication that this payment has since been made.

In the same communication, staff were promised that salaries would be paid out again once the funds were received from the Treasury. However, according to them, there is currently no clarity or fixed timeline on when this money will be available.

MBF would like to emphasise that financial transparency, accountability and competent management are non-negotiable, and calls on the new acting municipal manager, Ms Selapyane, to take action and regain the trust of the community and business sector.

“We are willing to work with the new management, but this must be accompanied by regular reporting, open communication and visible efforts to restore financial discipline,” says Jannie Schabort, chairman of MBF.