Mafube Se Eie Prestasie-telkaart

As deel van Mafube Plaaslike Munisipaliteit (MPM) se "Jaarverslag", illustreer die tabel hieronder die prestasie van elke Sleutelprestasiegebied (SPA) gedurende die 2024/2025 Finansiële Jaar. MPM erken dat die munisipaliteit slegs 54 van die voorgestelde 186 prestasie-aanwysers bereik het. Met ander woorde 132 teiken aanwysers is gemis en dui dat hulle slegs 29% van hul teikens bereik het. Hierdie berekening wys dus uit dat daar ‘n ruimte van 71% is waar geen prestasie gelewer was nie. Die tabel hieronder gee 'n ontleding van die institusionele prestasie volgens die Sleutelprestasie-aanwysers en die Sleutelprestasiegebied (SPA's).

Prestasie-ontlede van algehele teikens per SPA vir MPM

Sleutel Prestasie Gebied (SPA)	Teiken	Teiken Bereik	Teiken Gemis
SPA-1 Basiese Dienslewering	52	6	46
SPA-2 Plaaslike Ekonomiese Ontwikkeling	12	1	11
SPA-3 Finansiële Bestuur en Lewensvatbaarheid	25	14	11
SPA-4 Munisipale Transformasie en Institusionele Ontwikkeling	29	7	22
SPA-5 Goeie Regering en Publieke Deelname	68	26	42
Totaal	186	54	132
Jaarlikse Institusionele Algehele prestasie	29%

Die Jaarverslag van 'n munisipaliteit moet binne 7 maande na die einde van die finansiële jaar bekend gemaak word in ooreenstemming met plaaslike regeringswetgewing, dus voor die einde van Februarie elke jaar. Mafube Besigheidsforum (MBF) het die bestuur van MPM herhaaldelik aan hierdie verpligting herinner en merk met belangstelling op dat die munisipaliteit vir die eerste keer ooit in hierdie verband voldoen het – inderdaad 'n stap in die regte rigting.

MBF aanvaar die ontleding op sigwaarde as 'n positiewe stap en 'n opregte aksie om die skynbaar hopelose situasie by MPM aan te spreek. Ten spyte van die swak uitkoms van die ontleding, kan dit nuttig wees as 'n verwysing vir toekomstige beplanning en bestuur vorentoe.

MBF | 18A Kerkstraat | Frankfort | Maandae tot Donderdae | 08:30 tot 16:00 en Vrydae van 08:00 tot 12:30 | 079 145 4295 | info@mafubebf.org | www.mafubebf.org