top of page
  • Writer's pictureMBF

Ons standpunt rondom munisipale verkiesings


Mafube Business Forum (MBF) het talle vrae van individue ontvang rakende ons standpunt ten opsigte van die komende munisipale verkiesings. Voornemende kandidate wat beweer dat hulle onafhanklik is, het selfs die forum om finansiële ondersteuning genader. Dit het dus nodig geword om die volgende weereens te beklemtoon:

• MBF is ‘n apolitiese organisasie ingevolge ons stigtingsdokumente. • Dit is geensins die bedoeling van MBF om by die politiek betrokke te raak en ook nie individue te ondersteun om lede van die munisipale raad te word nie. • Die primêre doel van MBF is om te verseker dat alle inwoners en besighede in die verskillende gemeenskappe die beste moontlike diens van die munisipaliteit ontvang binne die beperkte beskikbare fondse. • Ons rol is een van 'n waghond wat sorg vir die nakoming van die korrekte beginsels van korporatiewe bestuur, prioriteite van behoeftes en goed beplande begrotings en verantwoordelike besteding van staats- en private fondse. • Ons raak wel betrokke deur hulp, opleiding aan te bied en die beste mense beskikbaar te stel om in oudit- of toesigkomitees te dien. • As die feite en situasie dit regverdig, sou ons in ernstige omstandighede die howe nader as 'n laaste uitweg om ons dorpe en individue wat in ons dorpe woon en/of sake doen, in die breedste sin te beskerm.

Daar word vertrou dat kandidate met 'n passie vir die gemeenskapsake en met dieselfde doelwitte as MBF, tydens die verkiesings suksesvol sou wees. Wat ook al gebeur, ons hou by ons doelwitte en beginsels. Die feite sal ons reaksie bepaal.

Inwoners, sake -eienaars en belastingbetalers word herinner om enige voorkoms van besoedeling, rioollekke en onwettige storting by MBF aan te meld. Besoek ons kantore in Kerkstraat 18A gedurende ons werksure, Maandae tot Donderdae van 08h30 tot 16h00 en Vrydae van 08h30 tot 12h30, of kontak Marina op WhatsApp by 079 145 4295. Of stuur 'n e -pos na info@mafubebf.org

0 views0 comments

Comments


bottom of page